006

నన్ను మీరు సరిగా అర్థం చేసుకోలేదు అని ప్రతి ఒక్కరూ అంటూనే ఉంటారు. నిజం చెప్పాలంటే ఎదుటి మనిషిని అర్థం చేసుకుని జీవించాలనే నియమం ఎక్కడ లేదు. మరి ఎందుకని చాలామంది నన్ను అర్థం చేసుకోవాలి అని అడుగుతూ ఉంటారు. ఇది ఒక రకమైన మానసిక బలహీనత. మనోధైర్యం ఉన్నవాళ్లు ఎదుటి మనిషిని అర్థం చేసుకుంటారే తప్ప నన్ను అర్థం చేసుకోండి అని ఎదుటి మనిషిని అడగరు. ఇక్కడ మనం ఒక వాస్తవాన్ని తెలుసుకోవాలి. ఏ వ్యక్తి అయినా తన కర్మానుసారం తనకున్న పరిణితి మేరకు వ్యవహరిస్తాడు తప్ప ఎదుటి వారి భావోద్వేగాలకు అనుగుణంగా ప్రతిస్పందించడం అసాధ్యం. అందుకనే అవసరాలకి అనుగుణంగా కదిలే మనుషుల మధ్య మనం అర్థం చేసుకుని బతకాలే తప్ప మనల్ని అర్థం చేసుకోవాలనడం వెర్రితనం. అందుకనే ఎదుటివారు మనోధైర్యంతో బతకాలని ఎవరికివారు కోరుకోవాలి తప్ప మన మానసిక బలహీనతతో ఎదుటివారిని అర్థం చేసుకోవాలి అంటూ ఇబ్బంది పెట్టకూడదు..