013

శ్రీకృష్ణ జన్మాష్టమి శుభాకాంక్షలు. ఈ సృష్టికి ఉన్న ప్రధాన లక్షణం ఏంటి అంటే మార్పు చెందటం. మానవ జీవితం కూడా సృష్టి లక్షణానికి అనుగుణంగా మార్పు చెందుతూ ఉంటుంది. ఈ మార్పులు జీవితాన్ని ఉన్నత స్థితికి చేర్చడం కోసం వస్తాయి. అందుకే సృష్టి లక్షణంగా జీవితంలో వచ్చే మార్పులకు ఎవరైతే అనుకూలంగా ఉంటారో వాళ్లు సంతోషంగా ఉంటారు. ఎవరైతే వ్యతిరేకంగా ఉంటారో వాళ్లు ఇబ్బంది పడుతూ ఉంటారు. ఈ సూత్రాన్ని జాగ్రత్తగా అర్థం చేసుకుంటే ఎవరి జీవితంలోనూ ఘర్షణ ఉండదు. అందుకే మార్పులకు అనుగుణంగా మనిషి మారటం కోసం జీవన నియమాలు వచ్చాయి. ఈ నియమాలను పాటిస్తే జీవితం దృఢంగా బలోపేతంగా తయారవుతుంది. ఆ జీవితం సుఖసంతోషాలకు కష్టనష్టాలకు అతీతంగా ఆనందంగా ఉంటుంది.