ప్రతి మనిషి నేను అనే భావనతో జీవితం అలా ఉండాలి ఇలా ఉండాలి అని అనుకుంటూ ఉంటాడు. కానీ జీవితం అవేవీ పట్టించుకోదు. తన మానాన తన కదులుతూ ఉంటుంది. అంటే మనిషి వెంట జీవితం నడవదు, జీవితం వెంటే మనిషి నడుస్తూ ఉంటాడు అన్నమాట. అలా జీవితం వెంట మనిషి నడుస్తూ ఉండటమే కర్మ జీవనం. దీనినే నిర్ధారితమైన జీవితం అంటారు. దానిలో ఉండే కష్టనష్టాలు మారవు. అయితే వాటి తీవ్రతని చిక్కదనాన్ని తగ్గించుకోవచ్చు. అందుకోసమే జీవన నియమాలు దేవుని పూజలు మంత్ర జపాలు ఉన్నాయి. ఇదంతా భక్తి అనుకున్నా అది భగవంతుని కోసం కాదు మన జీవనంలో కష్ట నష్టాలు తగ్గటం కోసం మాత్రమే అని గుర్తుపెట్టుకోవాలి. దీనినే ధర్మ జీవనం అంటారు. ఇలా నియమాన్ని దైవాన్ని మంత్రాన్ని నమ్ముకుని ధర్మ జీవనాన్ని నిష్టగా పాటించే సభ్యులు ఉన్న కుటుంబాలే సుఖసంతోషాలకు చేరువ అవుతాయి.
No comments:
Post a Comment