014

మనిషి చైతన్యవంతమైతేనే సుఖపడగలడు. దానికి అడ్డు పడేవి దేహం మనసు ద్రవ్యం అనే జడ పదార్థాలు. దేహం ఎప్పుడూ సుఖంగా ఉండాలని, మనసు ఎప్పుడూ వినోదంగా ఉండాలని, ద్రవ్యం నిల్వలు రోజూ పెరగాలని తపించటమే మనిషి జీవన సుఖాన్ని దూరం చేసే జడత్వం. ఈ జడత్వమే మనిషికి కష్టనష్టాలను సృష్టిస్తుంది. జడ పదార్థాలైన దేహము మనసు డబ్బు గురించిన ఆలోచనలు అభిప్రాయాలే మనిషి జీవితాన్ని నడిపిస్తున్నాయి, ఏడిపిస్తున్నాయి కూడా. అందుకే ఈ జడత్వాన్ని వదిలించి ఆనందాన్ని కలిగించే క్రియలు ఏమిటో తెలుసుకుని ఆచరించాలి. మన సంతోషం కోసం మనం చేసుకునేవి నియమం పూజ మంత్రం ఎలా ఉన్నాయో అలాగే మన చైతన్యం కోసం ఇతరులకు చేయాల్సినవి సేవ సద్భావన దానం అనేవి ఉన్నాయి. ఇలా తన మేలు కోసం ఇతరుల మేలు కోసం ధార్మికమైన పనులు చేసే వ్యక్తినే కర్మయోగి అంటారు.