ఉనికి ఉన్నంతసేపూ సత్యం తెలియదు.
ఉనికిని కోల్పోయి .. జీవుడు ఉండలేడు.
మరి ఉనికీ లేక .. జీవుడూ లేక ..
సత్యాన్ని తెలుసుకునేది ఎవరు,
తెలియబడేది దేనికి?
ఇంతకూ ఉనికి అంటే ఏమిటి .. ఏది?
మనకు తెలుస్తున్న ఉనికేనా ..
సత్యాన్ని తెలుసుకునేది ఇంకేదైనా ఉందా?
ఏదిఏమైనా తెలుస్తున్న ఉనికికి
సత్యం తెలిసే అవకాశమే లేదు.
ఇంకేదైనా ఉందో లేదో మనకి తెలియదు.
సత్యం అనేది కచ్చితంగా తెలుస్తుందని,
"తెలుస్తున్న" ఉనికి సత్యాన్ని గ్రహించలేదని,
రూఢి అయిన ఈ నేపథ్యంలో ...
మనకి తెలిసిన ఉనికి .. మిథ్య అని తేలినట్టే.
మరి సత్యం తెలిసేది ఎవరికి?
ఉనికికే. కానీ మిథ్యా ఉనికికి మాత్రం కాదు.
సత్యమైన ఉనికికి మాత్రమే.
అంటే సత్యమే అనంతమైన ఉనికి.
జీవుడి నిజమైన ఉనికే .. సత్యం.
No comments:
Post a Comment