వయసు ప్రకారం 'బాధ్యత'

బాల్యప్రాయం ఏడేళ్ల వరకు ఆటపాటలతో ఉత్సాహంగా ఉండే పిల్లలకు తల్లిదండ్రులే మంచి అలవాట్లు చేయాలి.

తర్వాత కిశోరప్రాయం 14 ఏళ్ల వరకు సొంత భావాలు ఏర్పడే పిల్లల్లో చిన్నప్పటి మంచి అలవాట్లు నిలబడి పోయేలా తల్లిదండ్రులే కృషి చేయాలి.

కౌమారప్రాయం 21 ఏళ్ల వరకు స్వతంత్ర ప్రవృత్తి ఏర్పడే పిల్లల్లో అవే మంచి అలవాట్లు దృఢపడిపోయేలా తల్లిదండ్రులే ప్రత్యేక శ్రద్ధ తీసుకోవాలి.

యవ్వనం మొదటి దశలో 41 ఏళ్ల వరకు చిన్నప్పటి మంచి అలవాట్లతో పాటు జీవితానికి అవసరమైన సద్గుణాలను వ్యక్తి స్వయంగా అభ్యాసం చేసి అలవర్చుకోవాలి.

యవ్వనం రెండో దశ 61 ఏళ్ల వరకు అనుభవంతో జీవనాన్ని ప్రశాంతంగా సాగించే అవగాహనను పెంచుకోవాలి.

వార్ధక్య దశ 82 ఏళ్ల వరకు జీవితంలో ఎలాంటి పరిస్థితులు ఎదురైనా ఆనందంగా అనుభవిస్తూ శరణాగతి భావనలో కాలాన్ని గడపాలి.